अखिल भारतीय कीर्तन संस्था ही मुंबईतील एक प्रसिद्ध संस्था आहे. गेली सुमारे ८५ वर्षे कीर्तनकारांच्या अनेक पिढ्या घडवण्याचे कार्य ही संस्था नेटाने करीत आली आहे. दादर येथील एक महत्त्वाचे धार्मिक व सांस्कृतिक केंद्र असणाऱ्या विठ्ठल मंदिरातही नित्य-नैमित्तिक असे अनेक उपक्रम पार पडत असतात. दादर परिसरातील भक्तांना या मंदिराच्या माध्यमातून अनेक सांस्कृतिक, धार्मिक व प्रबोधनात्मक कार्यक्रमांचा लाभ घेता येतो. या उपक्रमांसह वैद्यकीय शिबिरे, ग्रंथालय असेही अनेक उपक्रम संस्थेच्या माध्यमातून नियमितपणे आयोजित केले जातात. आपल्यासारख्या दातृत्वशील मंडळींच्या बळावरच हे सर्व घडते आहे. तरी आपले आर्थिक सहकार्य या कार्याच्या प्रभावी संचालनासाठी आवश्यक आहे.